CHAMBERAARBECHT
D’Diane war 2023 Budgetrapportrice. Als Presidentin vun der Finanzkommissioun schwätzt si all Joers zum Budget, Volet Wirtschaft an ass prioritär Spriecherin fir d’Gesetzesprojeten am Finanzberäich an a Steierfroen:
Mam Entlaaschtungspak gouf d’Steiertabell ugepasst a verschidde Steierklasse weider entlaascht.
An der Fintech goufen d’Krypto-Aktiva gereegelt.
De sougenannte bëllegen Akt bleift definitiv bei 40.000 Euro.
Mam Supercomputer fir kënschtlech Intelligenz, MeluXina-AI an der AI-Factory goufe weider wichteg Bausteng fir d’Entwécklung vun der KI geluecht.
Aner wichteg Gesetzer, déi d’Diane rapportéiert huet:
De Logementspak fir d’Relance vum Wunnengsmaart.
Den neien digitale Rekrutementssystem am ëffentlechen Déngscht.
Virginitéitszertifikater an -examen sinn an Zukunft strofbar, de Reflexiouns-Delai vun 3 Deeg bei enger Ofdreiwung gëtt ofgeschaaft.
Männer a Frae mussen zu op mannst 33 Prozent op den decisive Posten an de Lëtzebuerger Firmen, déi op der Bourse kotéiert sinn, vertruede sinn.
Si huet och d’CSV-Positioune vertrueden an den Debatten zur finanzieller Bildung, zu Online-Fraudë bei de Banken oder zur Zukunft vun der Finanzplaz.
D’Diane wäert 2027 Spriecherin vum Gesetz zur eenheetlecher Steierklass mat Entlaaschtunge fir all Famill ginn.
