CHAMBERAARBECHT
De Paul ass President vun der Ëmweltkommissioun a Spriecher fir alles, wat och d’Klimapolitik an den Naturschutz ubelangt.
Hie war Rapporter zur Verlängerung vum Gesetz iwwer d’Klimabonushëllefe fir Photovoltaik a Wärmepompelen a fir eng sozial gerecht Upassung vum Klimabonus Mobilitéit.
Den neien Tramsschapp op der Cloche d’Or, wou och de séieren Tram soll ugebonne ginn ass ee visionäre Projet fir d’Zukunft, och wat Nohaltegkeet ugeet, huet hien an der Chamber betount.
D’Weltklimakonferenz ass fir hien e wichtege Rendez-vous. Dass déi héich Erwaardungen un d’COP30 enttäuscht goufen, gesäit hie kritesch.
Déi aner Sujeten Natur, Biodiversitéit an Desertifikatioun géife méi Opmierksamkeet verdéngen.
Och an der Kooperatiouns- an Entwécklungspolitik kënne wichteg Akzenter gesat ginn an der Bildung, am Demokratieopbau an am Klimawandel, sou säi Credo.
Als CSV-Spriecher fir déi Äermst an der Gesellschaft huet hien den nationalen Aarmutsplang guttgeheescht.
De Schoulschäffen an der Stad Lëtzebuerg schwätzt och dacks zu schouleschen Aktivitéiten:
Fräi, frou a staark Kanner missten och däerfe Kanner sinn – Fräizäitaktivitéiten ausserhalb vun der Grondschoul si wichteg. Suerge bereeden him d’Gewalt an der Schoul, wou hien eng Chamber-Debatt lancéiert huet.
Den Accent wäert de Paul op den Nationale Klimaplang an déi sozial Kompensatioune vun der CO2-Steier leeën.
