CHAMBERAARBECHT
D’Octavie ass zoustänneg fir Dossieren, déi de Mëttelstand betreffen:
Et goufe Bäihëllefe fir Kleng- a Mëttelbetriber gestëmmt, fir datt och si an d’Fuerschung kënnen investéieren.
D’Agrargesetz gouf beim Statut vum aktive Bauer a Wënzer ugepasst.
Den Zougang fir Baueren a Wënzer zu gewësse Bäihëllefe gouf verbessert.
Am Beräich vun der Kultur huet si den Accord fir verschidde Gesetzer ginn:
Praktesch a pragmatesch Ännerungen um Denkmalschutz-Gesetz, wou de Staat elo d’Käschte vu präventiven Ausgruewungen iwwerhëlt an et administrativ Vereinfachunge ginn.
Bis 2030 steet dem Filmfong eng finanziell Enveloppe vun 180 Milliounen Euro zou. Et geet hei ëm Kultur an Ënnerhalung, awer och ëm d’Bild vum Land an d’wirtschaftlech Diversifizéierung.
De Kultursecteur entwéckelt sech séier, an et ass wichteg, fir exakt Daten ze hunn. Dofir gouf elo een „Observatoire de la Culture” an d’Liewe geruff. Domat kënne Bedürfnisser, Baustellen a Stäerkte méi kloer identifizéiert ginn.
Och an der Digitaliséierung gouf et gesetzlech Verbesserungen:
De Staat kann elo geziilt Hëllefen un Netzbedreiwer ginn, fir d’Kommunikatiounsnetzer och bis op ganz ofgeleeë Plazen ze bréngen.
Jidderee soll séieren Internet-Zougang kënnen hunn.
D’elektronesch Ënnerschrëft gouf agefouert fir all administrativ Akten och zwëschent den Institutiounen.
Dem Octavie leie Fuerschung an d’Uni.lu, administrativ Vereinfachung an de Wäibau um Häerz.
