CHAMBERAARBECHT
De Georges gouf eréischt den 20. Januar 2026 am Parlament vereedegt. Zanterhier huet hie verschidde parlamentaresch Froe gestallt, wéi zur Zukunft vun der Gebléishal zu Esch-Belval oder der Sécherheet vun de Passagéier am ëffentlechen Transport.
A senger Zäit als Minister fir Aarbecht a fir Sport huet hie verschidde Projeten op den Instanzewee geschéckt, déi deels och scho gestëmmt sinn. Wéi d’Sonndesaarbecht, déi op bis zu 8 Stonnen eropgeet, d’Upassung vun de Beschäftegungsmesurë fir Jonker oder d’Méiglechkeet, de Chômage och online kënnen unzefroen. Als Sportminister huet de Georges de Budget méi wéi verduebelt. Vun 41 Mio ënnert sengem Virgänger op 87 Mio Euro fir 2026.
De Georges ass Rapporter gi vun engem Gesetzesprojet zur Ëmsetzung vum Gehälteraccord am ëffentlechen Déngscht. Et geet drëms, dass och d’Employéë vum Staat ënnert den disziplinaresche Regime vun der Fonction publique falen. Hie wäert och Rapporter gi vum neie Pressegesetz.
Dem Georges säi Schwéierpunkt wäert op der sozialer Sécherheet leien.
