CHAMBERAARBECHT
De Félix war bis viru kuerzem President vun der Kommissioun fir Medien a Kommunikatioun.
Do hunn d’Aarbechten ugefaangen zur Reform vum Pressegesetz. Haaptpunkte sinn hei d’Aféierung vum speziellen Informatiounszougang fir Journalisten, d’Upassung vun der Pressehëllef an eng aktualiséiert .Definitioun vum Beruffsjournalist.
Och dat neit Mediegesetz gouf virgestallt mat virop der Reform vun der Medienopsiicht.
De Félix Eischen war den CSV-Spriecher zu der Finanzéierung vum Busreseau vun den CFL. Bis 2035 ginn hei 692 Milliounen Euro investéiert. De Süd-Deputéierten huet sech och agesat, dass de Busreseau TICE nei opgestallt a seng Finanzéierung ofgeséchert gëtt. Hie war CoAuteur vun enger Motioun, déi d’Regierung dozou opgefuedert huet, d’Zukunft vum TICE ze assuréieren. Dës Motioun gouf vu sämtleche Parteien an der Chamber gedroen.
An enger fräier Tribün huet de Félix och Positioun bezunn zum Handelsaccord Mercosur tëscht der EU a verschiddene südamerikanesche Staaten. Mat méi Handelsaccorde gëtt eis Liwwerketten och méi diversifizéiert, huet hie betount. Mir sinn also manner ofhängeg vu China an den USA a stäerken domadder d’Resilienz vun der EU. Besser Handel mat Accord wéi ouni, well doduerch déi héich Standarde vun der EU garantéiert ginn.
De Félix wäert sech virun allem ëm d’Froe vun der Mobilitéit an der Fërderung vun de Kleng- a Mëttelbetriber këmmeren.
