CHAMBERAARBECHT
Als President vun der Aarbechtskommissioun steet de Charel fir eng verantwortungsvoll a gerecht Aarbechtspolitik an huet och an zentralen Dossieren ewéi dem Mindestloun oder der Sonndesaarbecht kloer Positioun bezunn:
D’Upassung vum Mindestloun huet hien als Signal fir sozial Kohäsioun verstanen: Eng staark Gesellschaft weist sech dorunner, wéi se déi ënnerstëtzt, déi et am meeschte brauchen
Beim Thema Sonndesaarbecht huet hien net a Schwaarz-Wäiss geduecht, mee no engem verantwortleche Gläichgewiicht gesicht: tëscht wirtschaftlecher Realitéit an dem Recht op Rou, Familljeliewen a sozialem Zesummenhalt
Als President vun der Spezialkommissioun zur Caritas-Affär huet de Charel d’Aarbechten an d’Unhéierunge geleet, fir déi néideg Konklusiounen am Ofschlossrapport ze zéien
Hien huet och a verschiddenen wichtege Justizdossiere Stellung geholl:
D’Reform vum Adoptiounsrecht huet Dieren opgemaach: Och net bestuete Koppelen an Eenzelpersoune kënnen haut engem Kand e séchert Doheem ginn
D’Justiz gouf mat den néidege Mëttel an effikasse, modernen Instrumenter gestäerkt, fir schwéier Kriminalitéit konsequent ze bekämpfen
Als President vun der Sportskommissioun setzt de Charel sech fir staark Sportsveräiner an e liewege Benevolat an, well dëst Engagement d’Réckgrat vun eiser Sportswelt ass
Och an Zukunft wëll de Charel déi verschidden Dossiere mat Rou a Verantwortung begleeden an de Lëtzebuerger Modell weider stäerken.
