CHAMBERAARBECHT
D’Stéphanie war Rapportrice fir eng Rei Gesetzer aus dem Inneministère an am Konsumenteschutz:
Mat der Reform vum Gesetz iwwer déi kommunal Raumplanung an d’urbanistesch Entwécklung mussen an neie Wunnquartiere méi abordabel Wunnenge geschafe ginn, déi dann an d’ëffentlech Hand ginn.
400 Agente bei der Police kruten hire Premièresdiplom réckwierkend op August 2018 unerkannt a goufen an de Grupp B1 reklasséiert.
D’Reform vun der Videosurveillance zu polizeilechen Zwecker (VISUPOL) mécht den Asaz vu Kameraen am ëffentleche Raum méi einfach, méi séier a méi effikass.
Mam Gesetz iwwert d’Sammelklo kréien d’Konsumenten endlech d’Méiglechkeet, sech gemeinsam géint Firmen ze wieren.
D’Liewensmëttelkontrolle vun der ALVA kruten en neie juristesche Kader.
Och am Beräich Wirtschaft an Aarbecht huet d’Stéphanie zu Gesetzer geschwat:
D’Ëffnungszäiten am Commerce an am Liewensmëttelhandwierk goufen erweidert.
D’Bäihëllefe fir Betriber, fir an de Klima- an Ëmweltschutz kënnen ze investéiere goufen ausgebaut.
Bei der ADEM gi méi Prozeduren digitaliséiert an doduerch méi séier a sécher – och de Chômage kann elo online ugefrot ginn.
D’Aarbechtsrecht gouf op e puer Punkten ofgeännert, fir dass Beschäftegungsmesure fir jonk Leit méi attraktiv ginn.
An der Justiz huet d’Stéphanie zu diverse Gesetzer am Handels- a Gesellschaftsrecht esou wéi der Reform vum Prisongswiese geschwat.
D’Stéphanie wäert ënnert anerem Rapportrice vun der Ëmsetzung vum Asylpak ginn.
